Glimmervannet

Það hefur snjóað duglega undanfarna daga og bærinn að fara í kaf og hef ég því skellt mér á gönguskíði í stað hlaupa og skellt inn á eyjunna hér en skíðasvæðið sér um að græja spor og fara gera þeir það daglega. Töluverð hækkun eða upp í 300m og svo er fínt brun heim.

Í gær gerði þétta hríð á leiðinni heim og átti ég í vandræðum að sjá slóðina enda white out í viðbót. Var með garmin við hendina svo ekki var hætta á að fara villur vegar.


Glimmervannet by borkura at Garmin Connect - Details

Af stað.....

Kominn í gang aftur eftir að "hné" vandræðin. Eða það hélt ég fyrst en þegar ég lá upp í sófa og var að nudda svæðið ofan og neðan við hnéð rakst ég í vöðvaþráð djúpt inn í ofanverðum kálfanum sem var vel aumur og hugsanlega rifinn eða í það minnsta illa bólginn. Þessi eymsli gerðu það að verkum að það var sárt að rétta úr hnénu en sársaukin kom hinsvegar fram fyrir ofan og aftan í hnénu og hélt ég að það væri frekar strekktu IT bandi að kenna.

Rúllaði þréttán kílómetra í góðu stuði þótt veðrið hefði mátt vera betra, stórhríð og vel hvasst á hluta leiðarinnar.

Skíði

Vinstra hnéið hefur ekki verið að gera sig undanfarið og ákvað ég að hlaupa lítið um helgina, bara 12 km í gær. Skellti ég mér hinsvegar tvisvar á gönguskíði í dag. Fyrst upp á fjöllin hér í kring á nýju cross country skíðunum. Fékk fljótt hælsæri enda ekki notað skónna lengi svo ég snéri við eftir 3 km þ.e. total 6 km. Í kvöld fór ég svo í gönguskíðabrautina og kláraði sirka 10 km. Fínt veður og verða skíðin klárlega á dagskránni næstu vikurnar.

Sund

Skellti mér í sund í fyrsta skipti í marga mánuði og var það klárlega það sem vantaði. Kláraði heila 200m! Mikið klór var í lauginni og gleymdi ég sundgleraugunum. Stefni á heila 500m næst :)

Hlaup í dag

16 km, rólegt, mjög mikil hálka en náði að dúndra niður fyrir 3:50 þar sem gangstéttir voru auðar.

Kvef

Eftir býsna kalt veður frá miðjum desember var ég að vonast til að ná góðum æfingum þegar hitastigið nálgaðist núllið, það entist stutt, kvefaðist fyrir helgi og fékk þar að auki bólgur í vöðvafestingar fyrir neðan hægra hné eftir 32 km hlaup um daginn en ég notaði sko sem voru ekki alveg neutral (held amk að það sé orsökin). En vonandi kemst ég af stað á morgunn, kvefið er ekki stórvægilegt, bara akkúrat þannig að maður telur sig eiga frekar að vera inni en úti að hlaupa!

KOMASO!

TransGranCanaria

Saga og Sigrún tilbúnar í 43 km

Þá ættu 123 km hlaupararnir að vera farnir af stað. Ekki er enn kominn hlekkur á tíma á stöðvum svo ég hendi mér í rúmið og kíki frekar á þau snemma í fyrramálið og fylgist með fram eftir degi.

Á síðu hlaupsins þar sem tímarnir eiga að birtast er ekkert að gerast nú klukkan að verða níu.

En fregnir að utan (kl: 07:00) voru að Siggi var búinn með 43 km, Fríða með 36 km og Jói var síðan að koma inn á Tunte stöðina (km 42) fyrir stutt.

Var að fá fréttir um að nóttin hefði verið frekar erfið, mikil rigning í ca. 2 tíma og kalt. Helga Þóra er nú komin á km 46 og síðast fréttist af Christine og Maríu þar sem þær hurfu út í nóttina á miklum hraða.

Mynd af Sigga og Jóa á Facebook

kl: 10:15 var Siggi kominn í 61 km og Helga Þóra 55 km, úrslitasíðan ekki enn komin í gagnið svo það er bara treyst á stopul SMS.

Klukkan 10:57 að íslenskum tíma var Jói kominn 57 km og kl. 10:00 var Fríða komin 54 km.

Var að fá skilaboð núna kl: 12:00: Jói á km 62 og hálfnaður með hlaupið, Christine og María á undan og Fríða/Helga á eftir. Anna Sigríður er líklega á undan líka.

Saga og Sigrún eru líka í góðum gír, sólin farin og orðið skýjað og þægilegt.

Fríða og Helga nú hálfnaðar

Fékk SMS frá Sigga, var kominn á km 78 og var dálítið þreyttur, líklega tekur hádagurinn vel í enda vel heitt þarna.

Zigor Iturrieta, vann víst TGC 123 km á 13 tímum, 20 mínútum, annar varð Nemeth Csaba og þriðji Sebastian Chaigneau. Ruglaði saman áðan hlaupurum úr 96 km hlaupinu.

Helga Þóra um mitt hlaup:

Saga hringdi og átti 7 km eftir af 43,7, var í fínum málum en það hefur ringt dálítið og seinni hluti hlaupsins er erfiðari en sá fyrri.

Saga farin að sjá "heim" þ.e. Las Palmas.

Sigrún og Saga kláruðu hlaupið á ca. 8:30 til 9:30, hef ekki fengið nákvæmari tíma ennþá.

Kominn aftur, skrapp aðeins frá í heimsókn!

kl: 22:00 átti Jói 25 km eftir og Fríða/Helga Þóra voru þar skammt á eftir eða að detta í 100 km. Gríðarleg rigning hefur verið að angra þau síðustu klukkutíma en vonandi að það stytti upp síðustu kílómetrana.

Grein um Íslendingana á fréttasíðu Kanarí eyja (nú með réttum tengli!)

Nú klukkan 23:30 var Helga að ná Jóa og líklegt að þau fylgist eitthvað að í rigningunni og myrkrinu. Hef ekkert frétt að hlaupurunum frá Grindavík.

Siggi var að klára að sögn erfiðasta hlaup sem hann hefur tekið þátt í, var tæplega 24 tíma. Mikil rigning og drulla síðustu 50 kílómetrana eða svo gerði hlaupurum erfitt fyrir.

Elísabet varð fjórða konan í 24 km hlaupinu og fyrsta í sínum aldursflokki. Glæsilegt hjá henni.

Christine, Anna Sigríður og María frá Grindavík eru líklega í kringum km 110 eða svo.

Greinilegt að hlaupahaldarar vita vel af ástandinu upp í fjöllunum þar sem rigning, kuldi og þreyta hrjáir nú hlauparana og bíða þeir nú eftir að þeir skili sér niður þ.e. þeir sem ekki hafa hætt vegna aðstæðnanna.

Þá eru Helga Þóra og Jói mætt, á 28:xx tímum. Glæsilegt hjá þeim að ljúka sínu fyrsta 100 km+ hlaupi við þessar erfiðu aðstæður sem voru í lokin. Hef ennþá ekki heyrt hvernig þetta endaði hjá hinum þ.e. Fríðu, Christine, Maríu og Önnu Sigríði.

Síðustu fréttir eru þær að Christine, María og Anna Sigríður og Helga kláruðu saman á ca. 29 tímum en Fríða hætti eftir 100 km.

Úrslitin ekki komin á netið ennþá svo ég veit ekki hvernig öðrum gekk sem voru í 24/42 km hlaupunum fyrir utan Sögu/Sigrúnu/Elísabetu.

P.s. ef einhver nennir að henda inn kommenti þá væri það vel þegið bara til að vita að kommenta kerfið virkar :)

Rásnúmer

Hér eru rásnúmerin hjá keppendum, þegar "live" síðan hjá hlaupahöldurum er komin í gagnið hendi ég inn tenglinum

123 km :
Fríða (Arnfríður) : 147
Siggi : 0146
Jói : 0256
Anna Sigga : 257
Helga Þóra : 143
Christine : 44
María : 142

43,7 km.
Sigrún : 2035
Saga : 2036
Bibba : 2043

24 km.
Adda : 3034
Biggi : 3245
Sólveig : 3239
Ester : 3241
María Eir : 3258
Elísabet : 3260

TransGranCanaria 2011

Nú á miðnætti leggja fyrstu hlauparar af stað í TransGranCanaria hlaupinu en í kringum 15 hlauparar taka þátt í mislöngum vegalengdum, frá 24 km til 123 km.

Athygli vekur að margir hlauparanna koma frá Grindavík og eiga þau hrós skilið fyrir góða þátttöku.

Heimasíða hlaupsins